پٹرول اور ڈیزل میں مسلسل اضافہ

حیدرآباد: پٹرول اور ڈیزل کی قیمتوں میں مسلسل اضافہ ہورہا ہے جس سے عام آدمی پر اخرجات کا بو جھ بڑھتے ہی جارہاہے۔ آئل مارکیٹنگ کمپنیوں نے ہفتے کے روز پیٹرول کی قیمت میں 27 پیسے فی لیٹر اور ڈیزل کی قیمت میں 25 پیسے کا اضافہ کیا۔ اس کے ساتھ ہی دہلی میں ایک لیٹر پٹرول کی قیمت 82.86 روپے سے بڑھ کر 83.13 روپے ہوگئی ہے۔ ڈیزل کی قیمت 73.07 روپے سے بڑھ کر 73.32 روپے ہوگئی ہے۔ حیدرآباد میں ایک لیٹر پٹرول 86.46 روپے اور ڈیزل 80 روپے پر آگیا۔ خام تیل کے فی بیرل کی قیمت جو 30 اکتوبر کو .9 36.9 تھی ، 4 دسمبر کو بڑھ کر 49.5 ڈالر ہوگئی۔ پچھلے 16 دنوں میں پٹرول کی قیمت میں 2.07 روپے اور ڈیزل کی قیمت میں 2.86 روپے کا اضافہ ہوا ہے۔