حیدرآباد : تلنگانہ میں انتخابات کے دوران کانگریس نے چھ ضمانتیں کا وعدہ کرتے ہوئے اقتدار میں آنے کے بعد مزید دو ضمانتوں کو نافذ کرنے کی تیاری کر لی ہے۔ چیف منسٹر ریونت ریڈی کل (پیر) ضلع بھدردری کوتہ گوڑم میں ‘اندرما اللو’ اسکیم کا آغاز کریں گے۔ اور منگل کو سکندرآباد پریڈ گراؤنڈ میں سیلف ہیلپ گروپس کی تقریباً ایک لاکھ خواتین کے ساتھ منعقد ہونے والی ایک بڑی کانفرنس میں خواتین کے لیے 2500 روپے ماہانہ کی مالی امداد کی اسکیم کا اہم اعلان کریں گے۔ چونکہ آئندہ چار دن میں لو ک سبھا انتخاب کا شیڈول جاری ہونے کا امکان ہے اس لیے اس وقت کے اندراسکیمیں شروع کرنے کا فیصلہ کیا گیا ہے۔ اس کابینہ کے اجلاس میں ایم ایل سی کی تقرری پر فیصلہ کیا جائے گا۔ کانگریس حکومت پچھلی حکومت کے نافذ کردہ ریتو بندھو کی جگہ ریتو بھروسہ لائے گی۔ اس حد تک اسکیم کے نفاذ میں کچھ تبدیلیاں متوقع ہیں۔ دھرانی پورٹل، لے آؤٹ ریگولرائزیشن اسکیم (ایل آر ایس) وغیرہ کے مسائل پر بھی کابینہ کے اجلاس میں تبادلہ خیال ہونے کا امکان ہے۔ تاہم ریونت نے اپنی نظریں لوک سبھا انتخابات میں اکثریتی نشستیں حاصل کرنے پر رکھی ہیں۔ جس کی وجہ سے انتخابات سے قبل کابینہ کے اس اجلاس میں ہونے والے فیصلوں کو لے کر اہمیت بڑھ گئی ہے
