وزیراعلی کے چندرشیکھر راو نے وزیر اعظم نریندر مودی کو خط لکھ کرحالیہ بارش سے متاثرہ علاقوں کی فوری امداد کیلئے 1350 کروڑ روپئے کی اجرائی کا مطالبہ کیا تھا ۔ اس تناظر میں مرکزی ٹیم جمعرات کی شام حیدرآباد پہنچے گی مرکزی ٹیم نقصان کی شدت کا اندازہ لگانے کے لیے دو دن تک حیدرآباد اور دیگر سیلاب سے متاثرہ علاقوں کا دورہ کرے گی۔ ریاستی حکومت نے اندازہ لگایا ہے کہ حالیہ چند دنوں کی مسلسل بارش سے پانچ ہزار کروڑکا نقصان ہوا ہے۔حیدرآباد کے کئی علاقوں میں ابھی تک پانی جمع ہوا ہے خاص طور پر بارکس، بابانگر کے علاقوں میں لوگ گھروں میں بند ہیں۔کئی لوگوں کے گھر تباہ ہوگئے۔ پانی کی نکاسی کی کوششیں کی جارہی ہیں۔ رضاکار تنظمیں لوگوں کو ضروری اشیا فراہم کرنے کےلیے پہل کررہے ہیں۔
