ورنگل :شہر ورنگل میں جمعیتہ علماء ورنگل کے زیر اہتمام تجہیز تکفین و تدفین کا کامیاب انعقاد عمل میں آیا جس میں شہر ورنگل اوراطراف واکناف کے 100 سے زیادہ ائمہ و معلمین نے شرکت کی اور عوام الناس کی کثیر تعداد بھی موجود تھی پروگرام دیے گئے وقت کے مطابق ٹھیک 10 بجے قرآت کلام مجید و محمد مزمل سلمہ کی نعت سے شروع ہوا مفتی محمد منہاج احمد قیومی نے موضوع کے متعلق فضائل بیان کئے اسکے بعد مفتی محمد مصعب رفیق قاسمی نے موضوع سے متعلق مسائل پر تفصیلی روشنی ڈالی اسکے بعد تجہیز تکفین و تدفین کی عملی تربیت مولانا سید ایوب صاحب قاسمی نے دی اس کے بعد سوال وجواب کیلئے موقع دیا گیا جس کے تشفی بخش جوابات دئیے گئے نظامت کے فرائض جنرل سیکرٹری محمد منور حسین قاسمی نے انجام دیئے آخر میں مہمان خصوصی مولانا محمد عبیدالرحمان مظاہری وجے واڑہ کی بات ودعا پر مجلس کا اختتام عمل میں آیا آنے والے تمام سامعین کے لیے جمعیت علماء ورنگل کی جانب سے ظہرانہ کا نظم کیا گیا