اسلام آباد میں نئی تعلیمی پالیسی کا اعلان

وفاقی وزیر تعلیم نے آج پریس کانفرنس کرتے ہوئے کہا کہ حکومت تعلیم کے فروغ کے لیے ہر ممکن کوشش کر رہی ہے۔ نئی پالیسی کے تحت پرائمری سے لے کر یونیورسٹی کی سطح تک نصاب میں تبدیلی کی جائے گی۔ اس کے علاوہ اساتذہ کی تربیت پر بھی خصوصی توجہ دی جائے گی تاکہ وہ طلبا کو بہتر انداز میں پڑھا سکیں۔

انہوں نے مزید کہا کہ دیہی علاقوں میں اسکولوں کی حالت زار کو بہتر بنانے کے لیے خصوصی فنڈز مختص کیے گئے ہیں۔ حکومت کا ہدف ہے کہ اگلے پانچ سالوں میں شرح خواندگی میں نمایاں اضافہ کیا جائے۔